星野源早前同國民老婆結衣BB結婚，佢星期三去綜藝節目度接受訪問，期間放閃分享同結衣BB嘅新婚生活，再度向一眾結衣老公s補刀！
結婚之前星野源長時間獨居，而家有老婆陪佢一齊食飯，星野源直言好感動。佢話食飯嗰陣，會同「結衣醬」談天說地，講吓今日做咗咩事，咩都傾一餐。佢地原來暫時未同居，但為咗見多幾面，會經常去對方屋企。
佢話覺得結衣醬係共度餘生嘅人，所以咩都可以講，仲話試過同結衣BB凌晨點幾鐘一齊飲住茶討論「覺得咁樣如何？」，猶如老夫老妻咁，令星野源好感動：「每天有一起吃飯的人，能一起討論事情、聊天，更覺得感動。」